کورپاڼه / روغتيا / د وزن د زياتولو لپاره څو اړينې او ګټورې لارښونې

د وزن د زياتولو لپاره څو اړينې او ګټورې لارښونې

اوږدې مبارزې او د اشتها نه نشتوالى د هغه کسانو لپاره چې غواړي وزن زيات کړي دستونزو او کړاونو نه خالي نه وي.
که غواړئ وزن مو زيات کړئ په ورته مهال کې بايد د خپلې روغتيا نه هم څارنه وکړئ.ډير داسې د کالرۍ او انرژۍ نه ډک خواړه شته چې کولاى تاسې سره د وزن په ډيروالي کې مرسته وکړي خو په ورته وخت کې ستاسې په روغتيا منفي اغيزې هم لري. خو څنګه کولاى شو پرته له بدو اغيزو خپل وزن زيات کړو؟

1: د ډنګروالي لاملونه مو وڅېړئ

ستاسې ډنګروالى کېداى شي ميتابوليکي لامل ولري په دې د پوهېدو لپاره چې آيا ډنګروالى مو ميتابوليکي لامل لري که نه ؟ د بدن د داخلي غدو د متخصص سره په اړيکه کې شئ. له هغه وروسته د تغذيې د متخصص د لارښونې په اساس خپل وزن کنټرول کړئ.

2: ولې نه چاغېږو؟ د وزن د نه ډېرې په لاملونو پوه شئ

بدن ته د ورځيني انرژۍ داخليدل بايد د مصرف تر کچې لوړ وي نو د بدن د اړتيا پرته بايد په منځني ډول د 100 نه تر 500 کالري انرژي د بدن لپاره زياته شي او دا انرژي بايد د قندونو ، پروټينونو او شحمياتو(غوړ) درلودونکي وي.

3: د خوړو تکرار مو بايد د 5- 6 ځله وي په ورځ کې او په دې لړ کې د کالري لرونکو خوړو څخه استفاده وکړئ لکه: بادام ،پسته ،فندق او نورو وچو مېوو څخه ګټه واخلئ خو د مصنوعي بستو څخه چې لوړې کالرۍ درلودونکي وي ځان وساتئ.

4: د پروټينونو له استعمال نه مه غافله کيږئ

اړينه ده په کافي اندازه پروټين مصرف کړئ د بيلګې په ډول په منځني ډول په هر کيلو ګرامه خواړو کې 1 ګرام پروټين د بدن د عضلاتو د جوړښت او غښتلتيا لپاره اړين دي مهم پروټين لرونکي خواړه لکه غوښه، لبنيات، د چرګ غوښه ماهي او هګۍ مصرف کړئ.

5: له مناسبو کاربوهايدريتونو (قندنو) ګټه واخلئ

ډول ډول خواړه لکه غله جات ، اوربشې ، حبوبات ، چې د قندو د تعادل د ګډوډېدو سبب نه کرځي بايد مصرف شي.

6: ورزش مه هيروئ

د عضلاتو د غټيدو منظم حرکتونه د پام وړ ګټه لري په خاص ډول د کالرۍ ترلاسه کول د تمرين او ورزش وروسته او د هغې تکرار په اونۍ کې 4-3 ځلو مثبتې اغېزې لري.

7: صبرناکه اوسئ

د وزن ډيرول يوه د کړاو ډکه او ننګونکې مرحله ده د بريا راز دا دى چې صبرناکه اوسئ تر څو وکولاى شئ خپل ټاکلي وزن ته ورسېږئ.

8: د خواړو سره يوځاى د مايعاتو له استعماله ډډه وکړئ

څښاک د مشبوع خاصيت درلودو له امله کيداى شي ستاسې د خوړو په رژيم کې ځنډ رامنځ ته شي. يو له هغه تېروتنو څخه د اسيدي ، تيار شوي څښاکونه، هغه څښاکونه چې وزن د ډېرولو لپاره ترې ګټه اخيستل کيږي اشتها کموي او د موړ والي احساس کوئ چې وزن کموالي سبب ګرځي.
ژباړه: سرور محمدي

دا هم ولولئ

د سترګو د شاوخوا پوستکي د ساتنې لپاره پنځه اړينې لارښونې!

د سترګو د شاوخوا پوستکي د ساتنې لپاره اړ نه ياست چې د ګران بيه …

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *